Negoziazioa
EBk 'Brexit'aren trantsizio epea 2020ko abenduaren 31n amaitzea nahi du
Agentziak | Erredakzioa
Theresa Mayk bi urtekoa proposatu zuen, 2021erako martxora bitartekoa.
Barnier, gaurko agerraldian. EFE
Michel Barnier Europar Batasunak 'Brexit'a negoziatzeko izendatutako ordezkariak nabarmendu duenez, 'Brexit'a 2020ko abenduaren 31rako erabat amaituta egotea nahi du Bruselak, hau da, trantsizio epea 2021. urtea baino lehen amaitzea proposatu du.
"Europako Batzordearen ustez, logikoena trantsizioa 2020ko abenduaren 31n bukatzea da, orduan amaituko baita hainbat urterako ezarritako finantza esparrua", horren arabera.
Theresa May lehen ministro britainiarrak bi urteko trantsizio epea proposatu zuen, 2021eko martxora arte, behin 'Brexit'a gauzatuta (2019ko martxorako dago aurreikusita).
aurreikusita).