AEB
Andrew McCabe FBIko bigarrenak dimisioa eman du, Trumpen kritiken ostean
AGENTZIAK | ERREDAKZIOA
Hala ere, FBIko langile izaten jarraituko martxoaren erdialdera arte.
Andrew McCabe FBIko bigarrena izan dena. Artxiboko argazkia: EFE
Orain arte FBIko bigarrena izan den Andrew McCabek dimititu egin du, Donald Trump AEBko presidentearen kritiken ostean.
Gai horiekin trebatuta dagoen iturri baten arabera, McCabek martxoan erretiratzeko asmoa bazuen ere, bi hilabeteko "oporrak" hartzea erabaki du. Hala ere, FBIko langile izaten jarraituko du martxoaren erdialdera arte.
Azken hilabeteetan, Etxe Zuriaren eta FBIren arteko tentsioen erdigunean egon da; izan ere, Trumpek hainbat alditan jarri du zalantzan Ikerketa Bulego Federalaren sinesgarritasuna.
Jame Comey FBIren zuzendari izandakoaren ondokoa izan zen, eta biek batera gidatu zuten errusiarrek 2016ko AEBko hauteskundeetan izandako balizko esku-hartzearen inguruko ikerketa. Donald Trump AEBko presidenteak 2017ko maiatzean James Comey FBIren zuzendaria egotzi zuen.
Trumpek Twitterren duen kontua baliatu du azken hilabeteotan McCaberen kontra egiteko. 2015ean, Andrew McCaberen emaztea den Jill McCabe Senaturako hautagai demokrata gisa aurkeztu zen eta Virginiako gobernadorearen (Terry McAuliffe demokrata) gertuko bi erakunderen diru-laguntzak jaso omen zituen. Antza denez, Terry McAuliffe Bill Clintonen "lagunik onena" da eta Clintonen "txotxongiloen eskutik" dirua jasotze