Nazioarteko gaitzespenen artean egiten ari dira Venezuelako hauteskundeak

Nazioarteko herri asko maiatzaren 20ko hauteskundeen emaitzen zain daude, baina horietako askok ez baitituzte emaitzak onartuko, legez kontrakoak direla uste dutelako.

Mauricio Macri Argentinako presidenteak eta Juan Manuel Santos Kolonbiakoak, besteak beste, garailea ez dutela onartuko iragarri dute dagoeneko.

Limako taldeko kideek (Argentina, Brasil, Kanada, Txile, Kolonbia, Costa Rica, Guatemala, Honduras, Mexiko, Panama, Paraguai, Peru, Guyana eta Santa Luzia) ere ez dute hauteskundeetako emaitza onartuko.

Donald Trump AEBko presidenteak behin baino gehiagotan esan duenez, Nicolas Maduro diktadore bat da. Hori dela eta, AEBk hainbat zigor ekonomiko ezarri dizkio Venezuelako Gobernuari eta Gobernuko kideei, Maduro barne. Kanadak, Suitzak eta Panamak ere zigorrak ezarri dizkie Venezuelako funtzionarioei.

Halaber, Europako Parlamentuak Venezuelako hauteskundeetako emaitzak ez onartzea erabaki zuen maiatzaren 3an.

Aliantza Bolibartarreko kideek eta Errusiak, berriz, Maduro babestu dute. Venezuelako presidente berriak ez du 2019ko urtarrilaren 10era arte kargua hartuko.