Erresuma Batua
Erresuma Batuak Europako hauteskundeetan parte hartuko duela baieztatu du
AGENTZIAK | ERREDAKZIOA
'Brexit'ari buruzko akordioa maiatzaren 23a baino lehen lortuko ez dutela jakinda, Theresa Mayren Gobernuak Europako hauteskundeetan parte hartzea erabaki du.
Theresa May, Bruselan egindako agerraldi batean. Artxiboko argazkia: EFE
Erresuma Batuak datorren maiatzaren 23an Europako Parlamenturako hauteskundeetan parte hartuko duela baieztatu du Gobernu britainiarrak.
Maiatzaren 23a baino lehen Komunen Ganberan brexit-ari buruzko ituna adostea ezinezkoa dela onartuta, Theresa Mayren Gobernuak hauteskundeetan parte hartzea erabaki du; izan ere, hauteskundeetara ez joateko aukera bakarra horixe zen: Europar Batasunetik ateratzeko akordioa egitea Erresuma Batuko Parlamentuan.
Bruselak urriaren 31ra arteko epea eman zion Erresuma Batuari brexit-a gauzatzeko.
Kontserbadoreek ez dute hautagaitzari eta kanpainari buruz ezer iragarri, orain arte brexit-aren akordioa berrestea eta hauteskundeak saihestea izan baita haien lehetasuna.
Aitzitik, liberaldemokratak eta brexit-aren aurka dagoen Change UK taldeak duela egun batzuk abiarazi zuten Europako hauteskundeetako kanpaina.