ERREFUXIATUAK
76.000 migratzaile igaro dira Turkiatik Europar Batasunera mugak ireki dituztenetik
AGENTZIAK | ERREDAKZIOA
Gehienak Turkian hilabeteak zeramatzaten errefuxiatu siriarrak dira. Bulgariara eta Greziara igarotzen utzi die Turkiak, "EBk ez duelako 2016an, mugak ixtearen truke, agindutako laguntza eman".
Your browser doesn’t support HTML5 video
Suleyman Soylu Turkiako Barne ministroak igande goiz honetan jakitera eman duenez, jada 76.000 migratzailek igaro dira Turkiatik Europako Batasunera, Turkiako Gobernuak Edirnen muga igarotzea baimendu duenetik, Bulgaria eta Grezia artean.
"Gaurko 09:55erako (bertako ordua), Turkiatik, Edirnetik, irten diren migatzaileak 76.358 dira" idatzi du Soyluk bere Twitter kontuan.
Zifra horien arabera, 29.000 lagunek igaro du muga gauean.
Recep Tayyip Erdogan Turkiako presidenteak atzo baieztatu zuen ostiralean Europarekiko mugak irekitzea agindu zuela eta Europako Batasunari egotzi zion erabaki horren ardura. Izan ere, Erdoganek esan zuen EBk laguntza ekonomikoa agindu ziela 2016ean mugak ixtearen truke "baina Europak ez ditu bere promesak bete eta horregatik erabaki dugu mugak irekitzea".