Koronabirusa
Trumpen bozeramaileak ere positibo eman du COVID-19an
agentziak | erredakzioa
McEnanyk positibo eman du beste proba batean negatibo eman ostean. Ez du sintomarik, eta ziurtatu du kazetaririk ez dagoela gertuko harremanen artean.
Kayleigh McEnany Etxe Zuriko bozeramailea. Argazkia: Efe
Kayleigh McEnany Etxe Zuriko bozeramaileak astelehen honetan jakitera eman duenez, positibo eman du koronabirus probetan eta berrogeialdia hasiko du; hori dela eta, Donald Trump presidentearen inguruan kutsatu diren pertsonen zerrenda luzatu du.
McEnanyk ohar batean azaldu duenez, azken egunetan negatibo eman du, baina astelehen honetan positibo atera zaio. Bozeramaileak lanean jarraituko duela agindu du; izan ere, ez du COVID-19aren sintomarik eta kontaktu estuen zerrendan kazetaririk ez dagoela adierazi du.
Halaber, argitu du ostegunean, azken prentsaurrekoa eman zuenean, oraindik ez zuela Hope Hicks aholkulariaren positiboaren berri.
— Kayleigh McEnany (@PressSec) October 5, 2020
Trump ostiralean ospitaleratu zuten Washingtongo Walter Reed ospitale militarrean, eta igandean une batez atera zen, ibilgailu batean, inguruan zeuden jarraitzaileak agurtzeko. Bertsio ofizial kontrajarriek espekulazio ugari piztu dituzte azken egunotan bere egoeraren larritasunaren inguruan.
Going welI, I think! Thank you to all. LOVE!!!
— Donald J. Trump (@realDonaldTrump) October 3, 2020
Agintariak normaltasun irudia eman nahi izan du, Interneten hainbat bideo eta Twitterren mezuak jaso ditu gaur goizean, medikuek senda-agiria emateko zain dagoen bitartean.
Melania Trumopere positibo eman zuen, eta azken egunotan jasotako babesa eskertu du Twitterren, eta "ondo" dagoela esan du.
My family is grateful for all of the prayers & support! I am feeling good & will continue to rest at home. Thank you to medical staff & caretakers everywhere, & my continued prayers for those who are ill or have a family member impacted by the virus.
— Melania Trump (@FLOTUS) October 5, 2020