Ukrainako gerra
Petrolio errusiarraren inportazioak debekatzeko konpromisoa berretsi du G-7ak
Agentziak | EITB Media
Talde horretako estatu-kideek konpromisoa hartuko dute, halaber, Errusiaren menpeko funtsezko zerbitzuen hornidura debekatzeko edo eragozteko neurriak hartzeko. Helburua da Errusia ahalik eta gehien isolatzea.
Alemaniako planta energetiko baten artxiboko irudia. Argazkia: EFE.
G-7ko buruzagiek (Alemania, Kanada, AEB, Frantzia, Italia, Japonia eta Erresuma Batua) konpromisoa hartu dute Errusiako petrolio-inportazioak debekatzeko, AEBko Etxe Zuriak argitaratutako adierazpenaren arabera.
Herrialde horietako buruzagiek "pixkanaka-pixkanaka energia errusiarrarekiko menpekotasuna ezabatzeko konpromisoa hartuko dute, behar izatekotan, gradualki petrolio errusiarraren inportazioa debekatuz ere", testuaren arabera.
"Modu egokian eta ordenatuan egingo dugula ziurtatuko dugu, munduak ordezko hornidurak lortzeko denbora izan dezan", gaineratu du adierazpenak.
G-7ko liderrek ere Errusiaren menpeko funtsezko zerbitzuen hornidura debekatzeko edo eragozteko neurriak hartzeko konpromisoa hartuko dute. "Honek Errusia bere ekonomiaren sektore guztietan isolamendua indartuko du", azpimarratu du kaleratutako adierazpenak.