Gerra Ukrainan
NATOn sartzeko asmoa jakinarazi dio Finlandiako presidenteak Putini
AGENTZIAK | ERREDAKZIOA
Sauli Niinistök Putini telefonoz azaldu dionez, "Errusiak Ukrainan abiatutako inbasioak Finlandiako segurtasun esparrua aldatu du", eta gogoratu dio "herrialde independiente bakoitzak norbanakoaren segurtasuna areagotzeko duen eskubidea".
Sauli Niinistö Finlandiako presidentea. EFE
"Datozen egunetan" NATOn sartzeko eskaera egingo dutela jakinarazi dio telefonoz Sauli Niinistö Finlandiako presidenteak Vladimir Putin Errusiako presidenteari. Finlandiako Gobernuak ohar baten bidez zabaldu duenez, telefono bidezko "zalantzarik gabeko elkarrizketa zuzena" izan da.
Niinistök Putini adierazi zionez, "2022ko otsailean Errusiak Ukrainan abiatutako inbasioak Finlandiako segurtasun esparrua aldatu du". Gainera, "herrialde independiente bakoitzak norbanakoaren segurtasuna areagotzeko eskubidea" daukala gogoratu zion Putini.
"NATOrekin bat eginda, Finlandiak bere segurtasuna sendotzen du, eta ardura hartu. Ez da inorengandik urrutzen", gaineratu du Finlandiako Gobernuak aipatutako oharrean.
Dena dela, Finlandiako presidenteak Putini jakinarazi zion bere asmoa dela etorkizunean "Errusiako auzokide izateagatik sortzen diren auziaz arduratzea modu zuzen eta profesionalean".
Bestalde, Ukrainako gerrak eragindako giza-sufrimenduagatik bere kezka sakona azaldu zuen Niinistö presidenteak, eta bakearen premia handia, Finlandiak Gobernuaren oharraren arabera.