Londres
Erresuma Batuko Osasun eta Ogasun ministroek dimisioa eman dute Johnsonengan "konfiantza galdu" ondoren
Agentziak | EiTB Media
Sajid Javid eta Rishi Sunak ministroek dimisioa aurkeztu dute. Keir Starmer laboristak, oposizioko buruzagiak, ziurtatu duenez, Johnsonen Gobernua "erortzen ari da".
Boris Johnson Erresuma Batuko lehen ministroa. Artxiboko argazkia: EFE
Sajid Javid eta Rishi Sunak Osasun eta Ogasun ministroek, hurrenez huren, dimisioa eman dute Boris Johnson Erresuma Batuko lehen ministroarengan konfiantza galdu baitute.
"Osasun ministro gisa zerbitzatzeko Gobernura itzultzea pribilegioa izan da, gure herrialdearentzako une hain kritikoan", idatzi du Javidek Johnsoni zuzendutako gutun batean. Iragan ekaineko konfiantza mozioa gogora ekarri dio Osasun ministroak.
Horrela, Javiden hitzetan, nahiz eta kontserbadoreak "interes nazionalaren alde egiteko gai izan", testuinguru honetan, "zoritxarrez", herritarrek ezetz uste dute dagoeneko. Gainera, diputatu tory "askok" Johnson kargutik kentzeko botoa eman zuten, gogorarazi duenez.
"Bere zuzendaritzapean egoera ez dela aldatuko argi dago niretzat, eta, ondorioz, nire konfiantza ere galdu du", adierazi du Javidek.
I have spoken to the Prime Minister to tender my resignation as Secretary of State for Health & Social Care.
— Sajid Javid (@sajidjavid) July 5, 2022
It has been an enormous privilege to serve in this role, but I regret that I can no longer continue in good conscience. pic.twitter.com/d5RBFGPqXp
Sunakek gauza bera egin du, Johnsonek Erresuma Batuko lehen ministro bati eskatu beharreko jokabide estandarrak bete ez dituelako; pandemian zehar Downing Streeten egindako festei erreferentzia eginez.
The public rightly expect government to be conducted properly, competently and seriously.
— Rishi Sunak (@RishiSunak) July 5, 2022
I recognise this may be my last ministerial job, but I believe these standards are worth fighting for and that is why I am resigning.
My letter to the Prime Minister below. pic.twitter.com/vZ1APB1ik1
Bestalde, oposizioko buruzagia den Keir Starmer laboristak ziurtatu duenez, Johnsonen Gobernua "erortzen ari da".
"Gobernu hau erortzen ari dela argi dago. Ministro kontserbadoreek lehen unetik jakin izan dute nor zen lehen ministroa. Historia deitoragarri honetan haren animatzaileak izan dira", esan du Starmerrek agiri batean.
Laboristaren ahotan, ministroak "konplizeak izan dira pauso bakoitzean, karguari ohorea kendu eta herrialdeari iruzur egiten zion bitartean. Osotasun izpirik izango balute, duela hilabeteak alde egingo zuketen".