David Trimble hil da, Ipar Irlandako bake-akordioan pertsona giltzarria

EUROPAPRESS | EITB MEDIA

Publikatuta: 2022/07/26 08:34 (UTC+2) Azken eguneratzea: 2022/11/22 13:58 (UTC+1)

Trimble 77 urte zituela hil da, "gaixotasun labur" bati aurre egin ondoren.

David Trimble EFEko artxiboko irudi batean.

David Trimble, Ipar Irlandako ministro ohi nagusia 1998 eta 2002 bitartean, astelehenean hil da 77 urte zituela, "gaixotasun labur" bati aurre egin ondoren.

Trimble erabakigarria izan zen 1998an Ipar Irlandako gatazka armatu nazionalistari amaiera eman zion bake akordioan. Horregatik, urte horretan bertan Bakearen Nobel saria jaso zuen, "irtenbide baketsua aurkitzeko egindako ahaleginagatik".