Heriotza
Pervez Musharraf Pakistango presidente ohia hil da, 79 urte zituela
AGENTZIAK | EITB MEDIA
Pakistango buruzagi militar ohia Dubain zendu da, gaixotasun arraro batek jota, familiak eta iturri ofizialek jakitera eman dutenez.
Pervez Musharraf Pakistango presidente ohia, 2019ko irudi batean. Argazkia: EFE
Pervez Musharraf Pakistango presidente ohia igande honetan hil da Dubain, 79 urte zituela, gaixotasun arraro batek jota, familiak eta iturri ofizialek jakitera eman dutenez.
Pakistango Armadaren prentsaburuak ohar baten bidez baieztatu du "Estatuaren eta Armadaren buruzagi ohiaren" heriotza, eta "doluminik zintzoenak" eskaini ditu. "Alak bedeinka dezala hildakoaren arima eta doluan dagoen familiari indarra eman diezaiola", gaineratu du.