Argazki manipulatua
Kate Middletonek onartu egin du seme-alaben argazkia editatu izana, eta barkamena eskatu du
EITB MEDIA
Irudiak arreta handia piztu zuen komunikabideetan, Kateren lehen argazki ofiziala baitzen urtarrilean sabeleko ebakuntza egin ziotenetik.
X sare sozialera igotako argazkia.
Kate Middleton Galesko printzesak barkamena eskatu du astelehen honetan sare sozialetan, bere seme-alabekin agertzen den editatutako argazki batek eragindako "nahasmenagatik".
"Barkamena eskatu nahi dut, partekatu genuen familia argazkiak sortutako nahasmena dela eta". Argazkian Kate agertzen da, bere hiru seme-alabekin Windsorren, familia bizi den lekuan. Kensington Palacetik esan zutenez, bere senarrak, William printzeak, atera zuela argazkia aurreko astean.
Thank you for your kind wishes and continued support over the last two months.
— The Prince and Princess of Wales (@KensingtonRoyal) March 10, 2024
Wishing everyone a Happy Mother's Day. C
¿ The Prince of Wales, 2024 pic.twitter.com/6DywGBpLLQ
Reuters agentziako erredaktoreek ziotenez, Kateren alabaren itxuraren zati bat ez zegoela behar bezala lerrokatuta, irudia manipulatu egin zela iradokiz.
Irudiak arreta handia piztu zuen komunikabideetan, Kateren lehen argazki ofiziala baitzen urtarrilean sabeleko ebakuntza egin ziotenetik.
Bere bulegoak esan zuen ez zela kargu publikoetara itzuliko Aste Santua igaro arte eta ondo sendatzen ari zela, baina azken asteetan bere osasunari buruzko espekulazio handiak izan dira sare sozialetan.