Sare sozialak
5 milioiko fidantzapeko askatasuna, Telegramen sortzailearentzat
Agentziak | EITB Media
Frantziako justiziak hamabi kargu egotzi dizkio Pavel Durovi, tartean, irudi pederastak zabaltzen eta krimenak zuritzen laguntzea, eta debekatu egin dio Frantziatik irtetea.
Pavel Durov artxibo irudi batean.
Frantziako Justiziak behin-behinean aske utzi du Pavel Durov, Telegramen sortzaileetako bat, 5 milioi euroko fidantza ordaintzeko baldintzarekin. Hala ere, hamabi kargu egotzi dizkio, poliziaren kontrolpean jarri dute eta Frantziatik irtetea debekatu dio.
Durovek errusiar, frantziar eta Arabiar Emirerri Batuetako nazionalitatea du, nahiz eta Dubain bizi den. Larunbatean atxilotu zuten, bere hegazkin pribatua Paris kanpoaldeko Le Bourget aireportuan lurreratu zenean.
Frantziako justiziak egozten dizkion delituen artean daude krimenak zuritzea, irudi pederastak zabaltzen laguntzea, eta iruzurretan eta trafikoan konplizitatea izatea. Halaber, Justiziarekin lankidetzan ez aritzea leporatu diote, mezularitza-plataformaren funtzionamenduarekin eta enkriptatzearekin lotutako balizko delitu-ekintzei eta karguei buruzko datuak eta informazioa eskainiz.
Atxiloketaren ostean, Telegramek ohar bat argitaratu zuen, plataformak "EBko legeak betetzen" dituela esanez, "Zerbitzu Digitalen Legea barne", eta "bere moderazioa industriaren estandarren barruan dago, eta etengabe hobetzen ari da".