AEB
Kamala Harrisek "defendatzeko behar duen guztia" agindu dio Israeli
agentziak | eitb media
AEBko presidenteorde eta demokraten hautagaiak esan du "beti" lan egingo duela "Israelen eta herri juduaren segurtasuna bermatzeko".
Kamala Harris hauteskunde ekitaldi batean. Argazkia: EFE
Kamala Harris AEBko presidenteorde eta Etxe Zurirako hautagai demokratak ostiralean, Yom Kippur juduen jaiaren egunean, berretsi du Israelek bere burua defendatzeko eskubidea duela, eta esan du "beti" lan egingo duela "Israelen eta herri juduaren segurtasuna bermatzeko".
"Aurten jaia une bereziki zailean iritsi da. Aste honen hasieran bete da urtebete Hamasek urriaren 7ko atentatu terrorista bortitza egin zuenetik. Eta badakit horrek biziberritu egin duela juduen artean dagoen beldur sakon eta iraunkorra, ez soilik Israelen, baita AEBn eta mundu osoan ere. Presidente gisa, beti lan egingo dut Israelen eta herri juduaren segurtasuna bermatzeko", azaldu du.
Boto-emaile juduekin telefonoz izandako elkarrizketa batean, AEBko presidentegai demokratak berretsi du urriaren 7ko "lazgarrikeriaren antzekorik berriro gerta ez dadin" bermatuko duela. Horretarako, Israeli agindu dio "Iranengandik eta Iranek babestutako terroristengandik defendatzeko behar duen guztia" emango diola.