Munilla: "Harritu egin nau Haitiri buruz esandakoak titular izatea"

Donostiako gotzainak Euskadi Irratiko "Albiste Faktoria"n atzo Haitiri buruz egin zituen adierazpenen testuingurua argitu nahi izandu. Munillaren hitzetan, atzo bertan aitortu zuen larrialde berezi baten aurrean gaudela Haitin. Azalpen horien ondoren galdera teologikoa egin omen zioten: "Jaungoikorik bada horrelako gauzak nola gertatu litezkeen galdetu zidaten. Eta nik erantzun nuen gure buruari ere begiratu behar diogula, bekatu larriak ditugula eta akaso gure kaltea handiagoa dela".

Donostiako gotzainak argitu du sorpresa hartu duela bere adierazpenak komunikabideetako lehen albisteen artean ikusita: "Komunikatzeko gogoz nabil, baina adierazi nahi dut, era berean, arrisku baten aurrean ere jartzen naizela".

Donostiako Gotzainak atzo adierazi duenez, "badaude" Haitin bizi duten tragedia baino "gaitz larriagoak". Haren esanetan, "dugun egoera izpiritual pobreagatik eta bizitzaren gainean dugun ikuspuntu materialistagatik egin beharko genuke negar".

"Nik bota nuen geure buruari bota diezaiogula guk ere bekatu larriak ditugula, eta behar bada gure kaltea handiagoa dela besteena baino, eta gaur sorpresa handia hartu dut", adierazi du Munillak.