BBVA Liga
Athletic-Real Madril: Sergio Ramosi bikain ematen zaio San Mames
Andoni Beldarrain
Erredakzioa
Hegaleko jokalariak talde madrildarrarekin Katedralean jokatu dituen lau partidak irabazi ditu.
Athletic-Real Madril partidak ikusmin handia sortu du talde madrildarrean Cristiano Ronaldo, Benzema, kaka, Casillas eta Xabi Alonso bezalako izarrak baitaude. Baina badago kontuan hartu beharreko beste izen bat ere, konkretuki, Sergio Ramosena.
Real Madrileko hegaleko jokalariak talde madrildarrarekin San Mamesen jokatu dituen partida guztiak irabazi ditu. Gainera guztietan titular izan da sevillarra. 2005-2006 denboraldian Real Madrilek 0-2 irabazi zion Athletici. Hurrengo denboraldian (2006-2007) Ramosek gol bat sartu zuen eta madrildarrek 1-4 irabazi zuten. 2007-2008an 0-1 irabazi zuten merengeek eta iaz, 2008-2009 denboraldian Real Madrilek jipoia eman zion talde zuri-gorriari 2-5 irabazita.
Beraz, estatistika hauek kontuan izanda Athleticek ondo zaindu beharko du Sergio Ramos larunbat honetako partidan.