Kopako partidari begira
Masoud (Osasuna): "Daukadan onena ematen dut, baina hobetu dezaket"
Andoni Beldarrain
Erredakzioa
Erdilari irandarrak esan duenez talde gorritxoaren helburuetako bat Errege Kopa irabaztea da.
Osasunako Masoud Shojaei jokalariak gaur hedabideen aurrean esan du "askoz gehiago eman dezakeela".
Taxoaren entrenamendua burutu ondoren komunikabideen aurrean hitz egin du Masoudek. Ligako partidetan hasierako hamaikakoan sar daitekeela uste du irandarrak: "Eroso sentitzen naiz jokatzen dudan bi postuetan, baina hegalean espazio gehiago ditut. Beti nire aukera bilatzen dut, bai Kopan eta bai Ligan".
Masoudek taldearen helburuetako bat Errege Kopa irabaztea dela ere gaineratu du. Santanderreko partidaz honakoa esan du irandarrak: "Joko ona egiteko intentzioz goaz. Gure ideia Santanderren golik ez hartzea da. Hori lortuz gero Racingek gaizki pasako du itzulerako partidan".