"Faktoria", Euskadi Irratiko goizeko magazina

Euskadi Irratiko goizeko magazinak lantegi baten itxura du; aktualitatea eta entretenimendua lanabes gisara erabiliz, "Faktoria"k irrati-goiza sortu eta eraikitzen du.

Aktualitatearen alde guztiak, ikuspuntu guztietatik begiratuta. Goizeko zortzietatik aurrera, eta Manu Etxezortuk gidatuta, informazioa, analisia, eztabaida, elkarrizketak, erreportajeak, zerbitzu informazioa eta abar luzea. "Faktoria"k arreta berezia jartzen die gizarte gaiei, horretarako entzuleen partehartzea sustatuz.

Egunero zuretzat lanean "Faktoria"n: Manu Etxezortu, Ainhara Zuazabeitia, Oihane Yustos, Jone Larrañaga, Ane Albisu, Ainara Ortiz, Nagore Telleria eta Xabier Larrazabal.

"Faktoria", informazioa eta entrenimendua goizero, zuretzat.