Last 16
Bilbao Basket-Panellinios (Eurocup): Ur termalak
Erredakzioa
Bizkaia Bilbao Basketek Europan aurkitu nahi du ligako egoera arintzeko konponbidea. Katsikarisenek Panellinios talde greziarra izango dute aurkari asteartean Bizkaia Arenan (20:15ean, ETB-1en).
Bizkaia Bilbao Basketek Eurocupeko Last 16an lortutako errenta sendotu nahi du Panelliniosen aurkakoan. Bigarren jardunaldiko partida hau asteartean izango da Bizkaia Arenan (20:15ean).
Lehen jardunaldiko garaipenak bilbotarren ikuspegia aldatu du. Etxeko partidak irabazita sailkapena lor dezake Katsikarisen taldeak.
Ilias Zorros da Panellinios taldearen entrenatzailea. Lau estatubatuar dira jokoan nagusi talde horretan; Roderick Blakney antolatzailea, Devin Smith hegalekoa eta Britton Johnsen eta Josh Davi pibotak. Baita Djuro Ostojic pibota ere.
Jokalari greziarren artean, Zourosen txandakatzeetan garrantzitsuak dira Kostas Charalampidis, Georgios Kalaitzis y Manolis Papamakarios, eta Ian Vougioukas (2,11).
&' || 'nbsp;