Gaur hasiko da AEBetan 'Lost' telesailaren azken denboraldia

Gaur hasiko da, Estatu Batuetan, ''Lost'' telesail ospetsuaren azken kapitulu sorta. Mundu mailan milioika jarraitzaile ditu ''Lost''-ek. AEBetan emanaldi bikoitza izango dute gaur gauean, baina aurretik azken bost urteetan gertatutakoa gogoratu beharko dute, ABC telebista kateak laburpen bat emitituko baitu.

''Xa'' da gaurko kapituluaren izenburua. Bosgarren denboraldia bukatu zen tokian bertan hasiko da seigarrena. Ikusleek, beraz, hidrogeno bonba lehertu ondoren zer gertatu den jakingo dute gaur bertan.

Oceanic 815 hegaldiko bidaiarien inguruko telesaila da ''Lost''. Orain bost urte hasi zuten aurreneko kapituluan, hegazkin horrek istripua izan eta irla batean jauzi egiten da. Baina ez da nolanahiko irla izango, oso gauza arraroak gertatzen baitira bertan.

16 kapitulu bakarrik falta dira amaiera ezagutzeko. Telesailaren galdera nagusiak erantzun egingo dituztela agindu dute egileek, baina gertakari guztiak ez direla argituko ohartarazi dute jada.

Carlton Cuse produktorearen esanetan azken sasoi honek lehenengoarekin zerikusi zuzena izango da, eta istorioa kontatzeko modua linealagoa izango da (eta ez iaz egin zituzten denbora jauzi horiekin). Oraindik ez dituzte 16 kapituluak grabatu.