Jazoera
Bi baserri erre dira Zamudion eta Zeberion
Erredakzioa
Sute biak goizaldean hasi dira Zeberioko Ugarte auzoko eta Zamudioko Aranoltza auzoko bi etxebizitzetan. Ez da zauriturik ez biktimarik izan.
Zeberio eta Zamudio udalerri bizkaitarretan kokatutako bi baserrik kalte handiak jasan dituzte goizaldean hasitako suteengatik baina, ez da biktimarik izan, Herrizaingo Sailak jakinarazi duenez.
Goizaldeko 00:20ak bueltan, hutsik zegoen baserri batean sutea piztu da Zeberio udalerri bizkaitarreko Ugarte auzoan. Antza, sua tximinian hasi da, garrak etxe osotik zabaldu dira eta ondorioz, etxebitza hauts bihurtu da.
Bigarren suteak, Zamudioko Aranoltza auzoko bizitza biko etxe bat kaltetu du goizaldeko 6:40 inguruan. Sugarrek, nagusiki, teilatuan kalteak eragin dituzte eta bi emakume etxetik atera behar izan dituzte. Iturri berdinen arabera, tximiniaren egoera txarrak eragin zezakeen sutea.