Txutxu-mutxua
Jon Kortajarena modeloarekin ligatzen saiatu da Madonna
Luzia Zugadi
Erredakzioa
Tom Fordek zuzendutako A single man pelikularen estreinaldian, abeslaria gainetik kendu ezinik ibili omen zen modelo bilbotarra.
Badirudi Madonnak Jon Kortajarena modelo euskaldunari begia bota diola. New Yorken ezagutu zuen, Tom Fordek zuzendutako A single man pelikularen estreinaldian eta iturri ezberdinek diotenez, poparen erregina gazte bilbotar honekin maitemindu da.
Orain arte Madonnaren mutil-laguna izan den Jesus Luz baino urte bete zaharragoa da Kortajarena (24 urte) eta diseinatzaile ospetsurentzat lan egiteaz gain, aipatutako filmean parte hartu du berak.
Madonna eta Kortajarenaren artekoa
Esan bezala, pelikula aurkeztu ostean, lagun-talde batekin afaltzera joan omen zen Kortajarena eta orduantxe ezagutu zuen Madonna. Azken hau txundituta geratu zen mutil gazte eta eder honekin eta zurrumurruek diote Jon Madonna gainetik kendu ezinik ibili zela gau osoan.