Trafikoa
Sei kilometrotako ilarak N-1ean, Lasarten, 5 ibilgailuk elkar jota
Erredakzioa
Bi errei moztu dituzte ordubetez, Iruneko noranzkoan, bost ibilgailuren arteko istripuagatik. Gizon bat arinki zauritu da eta Donostia Ospitalera eraman dute.
Gizon bat arinki zauritu da N-1 errepidean izandako bost ibilgailuren arteko istripuan. Lasarte parean izan da ezbeharra eta sei kilometrotako auto-ilarak eragin ditu, Ertzaintzak jakinarazi duenez.
Goizeko 7:30etan eta Iruneko noranzkoan egin dute talka autoek. Ondorioz, hiru erreietako bi itxi dituzte ordubetez.
Arinki zauritutako gizona Donostia Ospitalera eraman dute.