Finalerdiak (itzulerakoa)
Errege Kopa: Getafe eta Sevilla, finalaren bila
Andoni Beldarrain
Erredakzioa
Alfonso Perez Coliseumean jokatuko dute bi talde hauek asteazkenean. Andaluziarrek 2-0 irabazi zuten Sanchez Pizjuanen jokatu zen joaneko partidan.
Getafe eta Sevilla finalaren bila arituko dira asteazken honetan (22:00etan) Alfonso Perez Coliseumean. Errege Kopako finalerdietako itzulerako partida jokatuko dute. Sevillak joaneko partidan 2-0 irabazi zuen eta abantaila du.
Michelek zuzentzen duen taldeak buelta eman nahi dio joaneko partidatik dakarren aurkako 2-0eko emaitzari. Zaila izango da madrildarrentzat helburu hori lortzea, baina ez dute itxaropena galtzen.
Sevillak lasaitasunez, baina konfiantza gabe ekingo dio partidari. 2-0eko aldea dute, baina iragan urtean Athleticek 2-1eko aurkako emaitzari buelta eman zion 3-0 irabazita eta andaluziarrek ez dute San Mamesen gertatutakoa errepikatzea nahi.