Goizeko 8:30etan
Adopzioen inguruan hitz egingo dute osteguneko "Egun On Euskadi"n
A.A.
EITB
Juan Carlos de Pablo Adecop elkarteko arduraduna elkarrizketatuko dute.
Osteguneko "Egun On Euskadi" saioan Juan Carlos de Pablo Adecop nazioarteko adopzioen elkarteak batzen dituen federazioko arduraduna izango dute gonbidatu. Adopzioen inguruko argibide guztiak azalduko dizkio Aitzol Zubizarretari: elkarteek nola lan egiten duten, adopzio prozesua nola gauzatzen den, burutu beharreko tramiteak zeintzuk diren...
Albistegia 8:30etan hasiko da. Vanessa Sanchezek eguneko berri nagusien kontaketa egingo du eta ondoren hausnarketarako tartea zabalduko dute Amaia Artetxe, Iñaki Soto eta Olatz Barriusorekin.