Jazoera
Atxilotuak, lapurretagatik eta borra hedagarri batekin jotzeagatik
Erredakzioa
Hiru gizon atxilotu zituzten atzo Bilbon borra hedagarria eskuan, hiru gazteri lapurtzeagatik. Gazteek ubeldurak zituzten eta horietako bat ospitalera eraman zuten.
Hiru gizon -20 urteko bi eta 22ko bat- atxilotu zituen atzo goizaldean Ertzaintzak Bilbon, ustez indarkeria erabiliz lapurreta egiteagatik.
6:30ak aldera, Bilboko Abando auzoan hiru gazteri indarkeria erabiliz lapurtu zituztela jakinarazi zioten Ertzaintzari. Antza, beste hiru lagunek iraindu eta kolpatu zituzten bere gauzak eskatzen zizkieten bitartean.
Jipoitutako gazteek ubeldurak zituzten eta erasotzaileek borra hedagarri batekin jo zituztela baieztatu zuten. Zaurituetako bat ospitalera eraman behar izan zuten.
Gertuko kale batean aurkitu zituzten ertzainek usteko erasotzaileak; erasoan erabilitako borra eta lapurtutako ondasunak zeramatzaten. Hiru lagunak atxilotu eta komisaldegira eraman zituzten.