Hiru garaikur Fitorentzat, Espainiako Musikaren Sarietan

Fitok eta bere Fitipaldiek 3 garaikur eskuratu dituzte Espainiako Musikaren XIV. Sarietan. Musikaren Arteen eta Zientziaren Akademiak ematen dituen sarietan, musikari bizkaitarrak Kantu eta Disko Onenaren garaikurrak eta Ekoizpen Artistiko Onenaren saria eskuratu ditu Antes de que cuente diez lanarekin eta izen bereko kantuarekin. Pereza, Barricada, The Sunday Drivers, Quique Gonzalez eta Macacori gailendu zaie, besteak beste, Fito Cabralesen taldea. Gaur egin dute sarien iragarpena eta sariak banatzeko ekitaldia, berriz, martxoaren 4an egingo dute Madrilgo Häagen-Dasz Calderon antzokian.

Euskal Kantu Onenaren atalean, Ruper Ordorikaren "Haizea garizumakoa" abestia nagusitu da. Kepa Junkera saririk gabe gelditu da Musika Tradizionalaren arloan, Luar Na Lubrerentzat izango baita garaikurra. Zenttric ere esku hutsik gelditu da, Talde Berri Onenaren eta Pop Disko onenaren sarietarako izendatuta baitzegoen eta Zenetentzat eta Fangoriarentzat izan baitira, hurrenez hurren, garaikur horiek. Delorean Disko Elektroniko Onenaren sarirako zegoen izendatuta baina Aviador Dro talde beteranoari eman diote Yo, Cyborg lanagatik.

&' || 'nbsp;Miguel Povedak Urteko Disko Onenaren, Kantu espainiar Onenaren eta Moldaketa Onenaren saria eskuratu du Coplas del querer lanagatik, Pop Alternatiboko Lan Onenaren saria Javier Alvarezen Guerrero Álvarez diskoari eman diote, Egile Berri Onenaren Saria Zaharak irabazi du "Merezco" abestiagatik, Rock&' || 'nbsp;Alternatiboko Disko Onenaren saria Javier Corcobadori eman diote A nadie diskoagatik, Hip Hop Disko&' || 'nbsp;Onenaren saria SFDK taldearentzat izan da Siempre Fuertes 2 lanagatik, eta Flamenkoko Disko Onena Enrique Morenteren Morente Flamenco-rentzat izan da.&' || 'nbsp; Bideoklip Onena Macacoren "Moving" izan da eta Ikus-entzunezko Ekoizpen Onenaren saria Amaralen &' || 'nbsp;La barrera del sonido&' || 'nbsp; lanari eman diote.