Bilera
Obama Espainiara gonbidatu du Erregeak
Erredakzioa
AEBetako presidentearekin ordubetez bildu da Juan Carlos I.a, bi herrialdeen arteko harremanen egoera eta lotura estrategiko eta politikoak aztertzeko.
Barack Obama AEBetako presidentea Espainiara gonbidatu du Juan Carlos Espainiako Erregeak, iturri ofizialek jakinarazi dutenez. Ordubetez bildu dira Etxe Zurian.
Bilera agur batekin hasi dute Etxe Zurian eta ondoren gosari batekin jarraitu dute Bulego Obalean. Entsalada, otarrainxkak plantxan tomate saltsarekin eta sagar-tarta jan dute.
Aldebiko harremanen egoera eta lotura estrategiko eta politikoak aztertu dituzte estatuburuek bileran.
Luis Minguez artisauak Madrilen egindako ''Nire Aitaren Ametsak'' Obamaren autobiografiaren gaztelerazko bertsioa oparitu dio Erregeak AEBetako agintariari. Amerikako Estatu Batuetako Presidentetzaren zigilua du liburuaren azalak, Zarzuelako iturriek jakitera eman dutenez.