Bilbo-Donostia linea
Etenda Amorebieta eta Euba arteko Euskotrenen zerbitzua
Erredakzioa
Dorre elektriko batean konponketa lanak egiteko eten dute zerbitzua eta goiz erdira arte iraungo dute. Tren aldaketa egiteko autobusak jarri dituzte eta gainontzeko zerbitzuan normaltasuna da nagusi.
Euskotreneko Bilbo-Donostia linea moztuta dago Amorebieta-Etxano eta Euba udalerri bizkaitarren artean, dorre elektriko bateko konponketa lanengatik. Euskotrenek, goizean goizetik, autobus zerbitzua jarri du aipatu bi udalerriak lotzeko.
Tren-konpainiak komunikatu batean jakitera eman duenez, Iberdrolak goi-tensioko dorre batean premiazko mantenu lanak egin behar zituelako eten dute zerbitzua. Dorrea trenbidetik hurbil dago.
Goiz erdira arte iraungo dute lanek eta gainontzeko zerbitzuan normaltasuna da nagusi.