Gertakaria
Gizon bat hil da Oiartzunen auto batek harrapatuta
Erredakzioa
Gasteizerako norabidean zihoan auto bat aurrez-aurre aurkitu da bat-batean lurretik altxatu den gazte batekin eta ezin izan du kolpea saihestu. Ertzaintzak 16 urteko gazte bat atxilotu du.
38 urteko gizonezko bat hil da bart auto batek harrapatuta, Oiartzunen dagoen diskoteka batetik hurbil. Ertzaintzak 16 urteko gazte bat atxilotu du, gertaerarekin erlazioa duelakoan.
Radio Euskadik jakinarazi duenez, zenbait lekukok diskoteka kanpoan liskarra izan dela esan diote Ertzaintzari. Ondoren, zenbait gaztek biktima lubeta batetik bota dute.
Herrizaongo Sailak adierazi duenez, gertaera 4:30ak aldera izan da N-1 errepidean. Gasteizerako norabidean zihoan auto bat aurrez-aurre aurkitu da bat-batean lurretik altxatu den gazte batekin eta ezin izan du kolpea saihestu. Harrapatzearen ondoren, oinezkoa mugitu ezinik geratu da galtzadan.
Susmagarri bila
Ertzainek istripua gertatu den lekua sokaz hesi dute eta diskoteka jendez hustu dute erasoaren ustezko arduradunak harrapatu nahian. Une horretan atxilotu dute 16 urteko susmagarria.
Ertzaintzak ezbeharra ikertzen ari da gertatutakoa guztiz argitzeko.