Emakumeen kontrako indarkeria
Gazte bat atxilotu dute Gasteizen bikotekideari erasotzeagatik
Erredakzioa
Ertzaintzako agenteak bikotearen etxebizitzara bertaratu dira erasoaren berri jakin ostean eta haxixa aurkitu dute. Hortaz, droga-trafiko delitua leporatu diete.
Iragan ostiralean, 23 urteko gazte bat atxilotu dute Gasteizen bere 32 urteko bikotekidea jotzea leporatuta.
Hasiera batean emakumeen kontrako indarkeria kasu bat zena trafiko delitua bilakatu zen. Ertzaintzak 750 gramo haxix aurkitu zituen bikotearen etxean eta emakumea ere atxilotu egin zuen ondoren.
Ertzaintzako agenteak biktimak abisua eman ostean bikotearen etxera bertaratu ziren. Bertan emakumeak aurpegia ubelduta zuela ikusita anbulantzia bat eskatu zuten.
Ustezko erasotzailea atxilotu ostean, eta anbulantziaren zain zeudela, agenteek 200 gramo haxix aurkitu zituzten motxila batean sartuta etxearen sarreran. Emakumeak berea dela onartu eta atxilotu egin zuten.
Atzo Ertzaintzak epailearen agindu batekin bikotearen etxebizitza arakatu zuen, eta bertan substantzia berdineko beste lau pakete aurkitu zituzten, guztira 550 gramo haxix.