Josetxo (Osasuna): "Estutasunak saihesteko, irabazi beharra dugu"

Josetxo Romero atzelari nafar beteranoak argi hitzegin du gaur Taxoaren: "Lasaitasuna ez da hainbestekoa, beste zenbait urtetan baino hobeto gaude, baina estutasunak saihesteko irabazi egin behar dugu lehenbailehen. Bolada txarra lehenbailehen amaitu behar dugu eta ea aurkarien atearen aurrean gehiagoasmatzen hasten garen. Puntuak hirunaka batzea garrantzitsua da", esan du erdiko atzelari gorritxoak.

Osasunarekin 300 partida jokatzetik gertu da Josetxo, eta Lehen Mailan 200 jokatzetik ere bai, baina ekainean kontratua amaitzen du Josetxok, eta kluba ez da oraindik berarekin harremanetan jarri: "Ni lasai nago, hemen jarraitu ahal badut jarraitu egingo dut, eta bestela beste tokiren batetara joan beharko dut, oraindik futbolean bizpahiru urte on egin ditzakedala uste baitut", ziurtatu du Josetxok.