Jaia
Burp! telebista saioak antolatutako festa Donostian
Erredakzioa
Le Bukowski aretoan, Elbis Rever eta Crazy Palmera arituko dira apirilaren 17an.
ETB3ko Burp! saioak festa egingo du datorren apirilaren 17an. Donostiako Le Bukowski aretoan antolatuko duten festan ezustekoak egongo dira.
Musika izango da festako protagonista nagusia. Neskek osatutako Elbis Rever Bilbotarrak zuzenean arituko dira. Gainera, Crazy Palmera musika jartzen arituko da eta azken Ep-a aurkeztuko du bere ikuskizunarekin.
Burp!, My Jok World ekoiztetxeak sortutako telebista saioa da. Erreportai ezberdinak egiten dituzte, beti ere performance berezi eta eklektikoak erakutsiz. Burper-ek hartzen dute parte eta ETB3n ikusi daitezke bere erokeriak.
Burpekeriak egiteko aukera aparta duzue honakoa.
Bigarren festa
Apirilekoa Le Bukowskin ospatuko duten bigarren festa izango da. Martxoan egin zuten lehenengoa The Sparteens eta Dj Eñaut-ekin.