Getxon
Baimenik gabeko gidari batek ziklista bat harrapatu eta ihes egin du
Erredakzioa
Zauritutakoa, 18 urteko mutikoa, erietxera eraman zuten, oso larri. Udaltzaingoak inguruko kale batean aurkitu zuen iheslaria.
Gidabaimenik gabe zihoan Getxoko gizonezko batek ziklista bat harrapatu zuen atzo Peña Santa Marina kalean, Getxoko Andra Mari auzoan, eta, ondoren, ihes egin zuen, Udaltzaingoak jakitera eman duenez.
Ziklista, 18 urteko Berangoko mutiko bat, Gurutzetako Ospitalera eraman behar izan zuten, oso larri zaurituta.
Getxoko udaltzainek inguruko kale batean topatu zuten iheslariaren autoa eta, ikertu ondoren, gidaria, 18 urteko getxoztar, aurkitu zuten. Udaltzaingoa istripuaren inguruko xehetasunak ikertzen ari da.