Sare sozialak
WhatsAppek txatetako aldi baterako mezuak ezabatzeko aukera emango du 24 orduan
EITB Media
Aplikazioak eskaintzen dituen zerbitzuak hobetzeko asmoarekin, konpainiak mezuak modu automatikoan ezabatzeko aukera emango du lehen egunean.
Whatsappeko ikonoa. Argazkia: Whatsapp
WhatsAppek aldi baterako mezuak automatikoki ezabatzeko aukera emango du 24 orduan. Gaur egun, erabiltzaileek mezuak automatikoki ezabatu ditzakete, hura bidali eta zazpi egunetara edozein txatetan. Hala ere, zerbitzuak zabaltzeko asmoz, WhatsAppek aplikazioa berritu eta bidalitako mezuak 24 orduan ezabatzeko aukera emango du.
Mezuak automatikoki ezabatzeko aukera edozein momentutan aktiba dezake erabiltzaileak, eta txat pribatuetatik zein taldeko txatetatik bidalitako testuak kentzeko aukera ematen dio.
Konpainia teknologikoaren arabera, garatzen ari den aukera bat da oraindik, eta berritasunak izango ditu. WABetaInfo atarian WhatsAppek iragarri duenez, “etorkizuneko aplikazioan” erabiltzaileak zazpi eguneko edo 24 orduko epea hautatu ahalko du aldi baterako mezuak ezabatzeko. Berritasuna iOS, Android eta mahai-gaineko bertsiorako egongo da eskuragarri.