Jaurlaritza berria
Juan Maria Aburto, politika sozialetan aditua
Erredakzioa
Enplegu eta Gizarte Politiken arduraduna Bizkaiko Aldundiko oinarri nagusietako bat izan zen Jaurlaritzara heldu aurretik.
Juan Maria Aburto. EFE
Juan Maria Aburto Enplegu eta Gizarte Politiken sailburua Bizkaiko Aldundiko oinarri nagusietako bat izan zen Jaurlaritzara heldu aurretik eta, 2012ko abendutik, giltzarria izan da Iñigo Urkullu lehendakariaren Eusko Jaurlaritzan ere.
Hain zuzen ere, Aburto Bizkaiko Aldundiko bozeramaile eta Presidentzia diputatua izan zen Urkulluren Gobernura iritsi aurretik.
Ordutik, Aburto Gizarte Gaietako sailburua izan da. Gaia ez zitzaion berria egin, azken legegintzaldian Ekintza Sozialeko diputatua izan baitzen. Sail horrek inoiz izan duen Aurrekonturik handiena kudeatu behar izan zuen.
Oro har, ondo ezagutzen du Aldundia, 90eko hamarkadaren amaieran iritsi baitzen horra, Funtzio Publikoko zuzendari gisa.
Aldez aurretik, Eusko Jaurlaritzan ere aritu zen, Juan Mari Atutxa Herrizaingo sailburuaren lantaldean.