Urkulluren diskurtsoa
Urkulluren diskurtsoa 'urria' izan zela uste du EH Bilduk
Erredakzioa
Ekonomi arloan, "hitz politak" nahikoak ez direla ziurtatu du Laura Mintegi EH Bilduko ordezkariak.
Laura Mintegi EH Bilduko ordezkaria. Argazkia: eitb.com
Iñigo Urkullu lehendakariak urte bukaerako diskurtsoan eginiko aipamenak "urriak" izan zirela ohartarazi du Laura Mintegi EH Bilduko ordezkariak, eta "hitzetatik ekintzetara" pasatzeko eskatu dio lehendakariari.
Getxon komunikabideei eginiko adierazpenetan, arlo ekonomikoan "hitz politak" esateak ezertarako balio ez duela ohartarazi du EH Bilduko ordezkariak.
Gainera, bere iritziz, Iñigo Urkulluk akordioak lortzeko eskatzen duenean, "esperientziagatik, akordio horiek hitz soiletan" geratzen direla azaldu du koalizioak. "Ez dira horiek sustatzeko behar diren pausuak eman", gaineratu du Mintegik.