Katalunia
PSC, erabakitze-eskubidea duen Estatu federalaren alde
Erredakzioa
Alderdiak Kataluniaren subiranotasunari buruzko ebazpen-proposamena onartu du, bertan, Konstituzioaren erreforma proposatu du, Espainia Estatu federala bilakatzeko.
Your browser doesn’t support HTML5 video
PSCk Kataluniaren subiranotasunari buruzko ebazpen-proposamena onartu du, bertan, Konstituzioaren erreforma proposatu du, Espainia Estatu federala bilakatzeko eta Kataluniak bere etorkizuna erabakitzeko eskubidea gauzatu ahal izateko.
Gaur Parlamentuan aurkeztuko duen testuan, PSCk beharrezko erreformak egiteko beharra babestu du, kataluniarrek "erabakitzeko eskubidea erreferendumaren edota kontsultaren bidez gauzatu dezaten, legezkotasunaren baitan".
PSCk proposatzen duen Konstituzioaren erreformak Kataluniarentzako autogobernua bermatzen duen Estatu federala osatzea du helburutzat, tratu fiskal justua ziurtatzeaz, identitate eta kultura propioak aitortzeaz eta "banatutako subiranotasun-sistema" ezartzeaz gain.
Hainbat orduko bileraren ostean, PSC onartutako testuak Generalitatea negoziatzera eta Espainiako Gobernuarekin akordio batera iristera premiatu du "bi urteko epean" beharrezko legezko erreformak egiteko, herritarrek erabakitze eskubidea gauzatu dezaten "Katalunia-Espainia etorkizuneko harremanari buruz".