Batzar Nagusia
Gatazkaren 'konponbidearekiko konpromisoa' sendotu du Herrirak
Erredakzioa
"Herritarrekin, eta eragile politiko, sindikal eta sozialekin lan egiten" jarraituko duela azpimarratu du euskal presoen aldeko plataformak.
Herrira ha celebrado este sábado su primera Asamblea General. Foto: EITB
Gatazkaren "konponbidearekiko konpromisoa sendotzeko" eta egungo espetxe-politikak dakarren "eskubideen urraketarekin" amaitzeko pausoak emateko hitza eman du Herrira euskal presoen aldeko plataformak larunbat honetan izandako Batzar Nagusian.
Irunen izandako topaketa horretan lehen urtemugaren balantzea egin du plataformak, eta 2013rako helburuak zehaztu ditu.
Fran Balda eta Ane Zelaia plataformaren bozeramaileek esan duenez, "deialdi horrek azken hilabeetan garatutako barne-prozesuari amaiera ematen dio". Horiek azaldu dutenez, "larunbat honetan eztabaidatu duten hitzaldia mugimendua antolatzeko lan-bileretan adostu genuen". Azken testuak "hainbat zuzenketa eta ekarpen bildu ditu".
Manifestazioa Bilbon
Urtarrilaren 12an euskal presoen alde Bilbon izandako manifestazioaren harira Baldak esan duenez, "espetxe-politikarekin amaitzeko data garrantzitsua izan da, eztabaida, akordio berriak eta mugimendu politiko eta instituzionalak sortu dituelako".
Halaber, Zelaiak adierazi duenez, presoen aldeko plataformak "herritarrekin, eta eragile politiko, sindikal eta sozialekin lanean jarraituko du". "Egungo erronka Bilboko kaleetako indarra eta ilusioa herri, hiri eta auzo guztietara eramatea izango da".