Herrirak 'Parot doktrina'ren aurka egitea eskatu dio Estrasburgori

Ane Zelaia Herrirako kideak Giza Eskubideen Europako Auzitegiari martxoaren 20an, Ines del Rio ETAko kidearen kasua aztertzen duenean, 'Parot doktrina' giza eskubideen aurka doala berrestea eskatu dio.

Herrirak mobilizazio kanpaina bat hasi du Euskal Herrian, Ines del Rio ETAko kidearen kasuan zentratuta, horri buruzko ebazpenak beste presoentzako ere balio izan dezakeelako.

Ines del Riori 3.200 urteko kartzela-zigorra ezarri zioten, 23 hilketetan parte hartzeagatik eta beste 57 egiten saiatzeagatik.

ETAko kideari 'Parot doktrina' ezarri zioten, Auzitegi Gorenak jarritako irizpide bat zigorren murrizketak zigor bakoitzari ezartzeko, eta ez guztiak batuta irteten den urte kopuruari.

Berrogeita hamar bat pertsona bildu dira larunbat honetan Gasteizen, Gobernuak duen Ordezkaritzaren aurrean ETAko presoak etxera gerturatzea eskatzeko eta Ines del Rioren kasuari babesa emateko.