Udal Legea urtebetean lantzea adostu dute EAJk, PSEk eta EH Bilduk

Eusko Jaurlaritzak Udal Legea 12 hilabetean lantzea adostu du EAJk PSE-EErekin eta EH Bildurekin, eta ekimenak aurrera egin du Eusko Legebiltzarrean. Hala, Jaurlaritzari udalen eskumenak zehaztea eta eskumen horiek gauzatzeko finantzaketa bermatzea eskatuz, aurrera egin du testuak, PPren kontrako botoekin eta UPyDren abstentzioarekin.

Euskal selekzioen ofizialtasuna eta ingelesa, akordiorik gabe

EAJren eta EH Bilduren arteko akordio faltak atzera bota du euskal selekzioen ofizialtasuna bultzatzeko EH Bilduk aurkeztutako proposamena. Bertan, legegintzaldi honetan pausoak eman eta bi hilabetean ''ofizialtasuna bultzatuko duen batzordea'' eratzea proposatu du EH Bilduk, baina talde guztien osoko zuzenketa aurkeztu diote testuri.

Halaber, derrigorrezko hezkuntzan ingelesak izan behar duen tratamenduaren inguruan ere ez da adostasunik egon Legebiltzarrean.

Quirogaren eta Rojoren amatasuna

Arantza Quiroga PPk Legebiltzarrean duen bozeramaileak eta Natalia Rojo legebiltzarkide sozialistak beste legebiltzarkide batzuen esku utzi dute botoa, amatasuna dela-eta.