Ekitaldia Murtzian
Lopez: 'Legea eztabaidaezina baina gizarteratzearekin eskuzabala da'
Erredakzioa
Murtziako 'Arrosaren Jaialdian' PSE-EEko idazkari nagusiak adierazi duenez, "demokrazian integratzeko asmoa duenak ibilbide osoa egin beharko du".
Patxi Lopez, Arrosaren Egunean, Murtzian. Argazkia: EFE
Patxi Lopez PSE-EEko idazkari nagusiak adierazi duenez, ETAko presoekin eta exiliatuekin "gauza bakarra egin behar da, legea aplikatzea, Espainiako legea eztabaidaezina delako eta, aldi berean, gizarteratzeko asmoa dutenekin eskuzabalagoa da".
"Arrosaren Jaialdian" Alcantarilla Murtziako udalerrian egin ditu Lopezek adierazpen hauek, eta ETAko iheslariek Biarritzen egindako ekitaldiari egin dio aipamena.
"Demokrazia ez da hesiz inguratutako hiria, sartzeko ateak dituen hiria izan behar da, gehiago eta lagun gehiago barnean egonda, hobeto demokratentzat. Ibilbide hura egin nahi dutenek, oinarriekin, baloreekin, arauekin eta legeekin bat eginda, ongi etorria izan dadila. Iruzur egin nahi duenari ez diogu harrerarik egingo", esan du Lopezek.
PSE-EEko idazkari nagusiaren esanetan, "Zuzenbidezko Estatua defendatzen dutenek osorik defendatzen dute, jendearen gizarteratzearekin batera. Ez dut propagandarik egin nahi, baina demokrazian integratzeko asmoa duenak ibilbide osoa egin beharko du".