Euskal 'Y'
Erkorekak “kezkagarritzat” jo du Frantziak AHTaren lotura ez egitea
Erredakzioa
Eusko Jaurlaritzako bozeramaileak iragarri duenez, proiektu horiek aurrera eramaten saiatuko dira, "estrategikoak" direlako.
Josu Erkoreka Eusko Jaurlaritzako bozeramailea. Argazkia: EITB.
Josu Erkoreka Eusko Jaurlaritzako bozeramaileak "kezkagarritzat" jo du Frantziako Gobernuak AHTaren sarea Euskadirekin lotzeko lanak 2030era arte atzeratzea erabaki izana, eta proiektu horiek aurrera eramaten saiatuko direla nabarmendu du, "ezerezean ez geratzeko" eta "estrategikoak direlako, Euskadi behar duen tokian kokatzeko".
Erkorekak esan duenez, Eusko Jaurlaritzak beti nahi izan du Euskadi "Europa zeharkatzen duten trenbide sare handien artean" kokatu, eta, horren ustez, Jaurlaritzak egin duen apustua "zentzuduna da eta eutsi egin behar zaio".