'Parot doktrina' indargabetuta
Gorenak gaur finkatuko ditu Estrasburgoren epaiaren ondorioak
Erredakzioa
Ostiralean, Auzitegi Nazionaleko Zigor arloko Salak bederatzi preso aske uztea erabaki zuen, Auzitegi Gorenaren erabakiari itxaron gabe.
Your browser doesn’t support HTML5 video
Auzitegi Goreneko Zigor arloko Salak bilera egingo du gaur, eta bilerara deitutakoek gai-ordenako puntu bakarra aztertuko dute: "Europako Giza Eskubideen Auzitegiak Parot doktrinaren inguruan emandako epaia aztertzea eta ondorioak ezartzea".
Ostiralean, Auzitegi Nazionaleko Zigor arloko Salak Auzitegi Gorenaren erabakiari itxaron gabe bederatzi preso aske uztea erabaki zuen, Fiskaltzaren eskariari muzin eginda.
Auzitegi Gorenak Europa Press agentziari jakinarazi dionez, gaurko osoko bilkuran Estrasburgoren epaia aplikatzeko arau orokorrak ezarriko ditu Auzitegiak.
Gorenak hartzen duen erabakiak izaera ez jurisdikzionala izango du, hots, jokatzeko modua ezarriko du kasu konkretuei eragin gabe.
Oraingoz, Auzitegi Gorenak ez du Ignacio Pujanaren eta beste bost presoren egoera aztertuko.