Aske utzi dituzte Zaballan pankarta jartzen saiatu ziren bi atxilotuak

Ertzaintzak larunbatean Zaballako kartzelako aparkalekuan atxilotutako bi pertsonak aske utzi ditu epaileak, karguekin. Atxilotuak ETAko presoen aldeko pankarta bat jartzen saiatu ziren.

Igande goizean bi atxilotuak epailearen aurrean izan dira eta aske utzi dituzte, karguekin.

Gertaera larunbatean izan zen, 11:30ak aldera, Zaballako kartzelako aparkalekuan.

Bertan, pertsona talde batek ETAko presoen aldeko pankarta bat zabaltzen saiatu ziren. Jarraian kartzelako segurtasuna zaintzen zuten ertzainekin liskarra izan zuten.

Agenteek bi pertsona atxilotu zituzten desordena publikoa egotzita, eta beste 30 laguni identifikatzeko eskatu zieten.