PSE-EE-ren erreakzioa
PSEk "aurrerapausoa" ikusten du, baina zuhurtzia eskatu dio Gobernuari
Erredakzioa
Alderdiko bozeramaile Idoia Mendiak azaldu duenez, deklarazioa "pauso nabarmena" da, eta presoek ETAren deuseztapena bultzatu dezaten eskatu du.
Idoia Mendia, PSE-EE alderdiko bozeramailea.
Idoia Mendia PSE-EE alderdiko bozeramaileak presoen kolektiboaren (EPPK) adierazpena "aurrerapauso garrantzitsua" dela esan du, baina Gobernu zentralak hori "nola gauzatzen den" ikusi arte itxaron behar duela uste du, lehen urratsak eman aurretik.
Prentsaurreko batean azaldu duenez, talde armatuko presoen gogoeta "aurrerapen nabarmena" da, nahiz eta "barne kontsumorako erretorikaz lagunduta" datorren.
Presoek "Espainiako legedia" onartzea eta birgizarteratzea "modu bereizituan" egiteko asmoa agertu izana azpimarratu du Mendiak, eta ETAren deuseztapena eskatu behar dutela uste du.
Bozeramaile sozialistaren hitzetan, adierazpena "nola gauzatzen den eta presoek zein urrats jarraitzen dituzten" ikusi arte itxaron behar du Gobernu zentralak pausoak eman aurretik.