Europar Batzordea
Barroso: 'Independentziarekin, Katalunia EBk kanpo egongo litzateke'
Erredakzioa
Bestalde, zailtasun ekonomikoak gainditzeko egin duen ahaleginengatik Espainiako Gobernua zoriondu du, baina oraindik “lan asko” egin beharko duela nabarmendu du.
Jose Manuel Durao Barroso Europar Batzordeko presidenteak berretsi duenez, Kataluniak independentzia lortzen baldin badu, Europar Batasunetik kanpo geratuko litzateke.
"Europar Batasuneko zuzenbideak argi eta argi esaten du”, adierazi du Barrosok TVEri eskainitako elkarrizketa batean. “Herrialde bateko lurralde bat herrialde horretatik ateratzen bada, beste Estatu bat izango litzateke eta, hortik aurrera, nahi baldin badu, Europar Batasunarekin bat egiteko eskaera egin beharko luke. Ondoren, beste herrialdeek Europar Batasuneko kide bezala onartu beharko lukete”, azaldu du.
Bere agintaldiaren aurretik ezarritako arautegia dela gaineratu du Barrosok. Hala ere, Espainiak adostu beharreko zerbait dela gaineratu du eta berak “Europako legediatik” izango lituzkeen ondorioak azaldu besterik ez duela egin gaineratu du.
Bestalde, zailtasun ekonomikoak gainditzeko egin duen ahaleginengatik Espainiako Gobernua zoriondu du, baina oraindik “lan asko” egin beharko duela nabarmendu du. Hala ere, “norabide egokian” doala esan du Barrosok.