Kartzela politika
Presoen eskariak egiteko modua oztopo izan daiteke, EAJren arabera
Erredakzioa
Itxaso Atutxa EAJren Bizkaiko presidentearen ustez, "formulario bateratuek oztopatu edo moteldu" egin dezakete gerturatzeko edo askatzeko prozesua.
Itxaso Atutxa EAJren Bizkai Buru Batzarraren presidentea. Argazkia: EiTB
Itxaso Atutxa EAJren Bizkai Buru Batzarraren presidenteak ohartarazi duenez, presoek Euskal Herrira gerturatzeko edo libre geratzeko egindako eskariak "oztopo" izan daitezke, eta gerturatzeko edo askatzeko prozesua "motel" lezakete, "formulario bateratuak" direlako. Gainera, buruzagi jeltzaleak espero du presoen iragarpenak hauteskundeekin zerikusirik ez izatea, ezker abertzaleak "iraganean erabilitako trikimailu itsusia" delako, eta "lekuz kanpo" egongo litzatekeelako.
Radio 5 irrati-katean egindako elkarrizketa batean, presoen eskarien formularioak berdinak direla esan du Atutxak, eta horrek arazoak eragin ditzakeela ohartarazi du.
Hala ere, BBBko buruak goraipatu egin du presoek onura indibidualak lortzeko bidea hartu izana, "aurrerapauso handia" dela iritzita.
Atutxak, baina, ez du ulertzen orain "formulario bateratuak" egitea, hori "oztopoa izan daitekeelako eta Espainiako Gobernuari prozesua mantsotzeko aukera" emango diolako.