Erregearen abdikazioa
EAJ abstenitu egingo da oinordekotza legearen bozketan
Erredakzioa
Kontra bozkatzea erregeari jarrai dezala eskatzea izango litzateke, jeltzaleen arabera; eta alde ere ez dute bozkatuko, nahi dutena erreferenduma delako.
Your browser doesn’t support HTML5 video
Aitor Esteban EAJren Kongresuko bozeramaileak iragarri du bost diputatu jeltzaleak abstenitu egingo direla Juan Carlos erregearen oinordekoaren izendapena arautzeko lege organikoaren bozketan.
Azaldu duenez, Ministroen Kontseiluak gaur onartuko duen legearen kontra bozkatzea erregeari jarrai dezala eskatzea izango litzateke, eta ez da hori EAJren asmoa.
Baina alde bozkatzea ere ez dute pentsatzen, monarkiaren garaia gaindituta dagoela eta Euskal Herrian aro berria irekitzea dutelako helburu. Hori horrela, errepublikaren eta monarkiaren artean aukeratzeko erreferenduma deitzea proposatu du.