2015eko hauteskundeak
Fernandez de Pinedo eta Larrion, EH Bilduko Arabako zerrendaburuak
Erredakzioa
Koalizioak bihar aurkeztuko ditu Arabako zerrendaburuak eta, arratsaldean, Martin Garitanoren ondorengoa nor izango den iragarriko du.
EH Bilduk bihar aurkeztuko ditu Kike Fernandez de Pinedo eta Miren Larrion, hurrenez hurren, Arabako ahaldun nagusirako eta Gasteizko alkatetzarako bere hautagaiak.
Egun, Kike Fernandez de Pinedo Gasteizko Udalean EH Bilduko bozeramailea da eta Miren Larrion EHUko irakaslea da.
Hautagaiak Gasteizko Aihotz plazan aurkeztuko ditu, 12:00etatik aurrera egingo duten ekitaldi politikoan. Arratsaldean, 17:30ean, Donostiako Aquariumean bigarren ekitaldi bat egingo du EH Bilduk, Gipuzkoako zerrendaburuak aukeratu eta iragartzeko.
Fernandez de Pinedo (Gasteiz, 1961) Euskal Filologian lizentziaduna da, eta zinegotzi izan aurretik Armentia ikastolako irakaslea zen.
Bestalde, Larrion EH Bildurekin 2012ko hauteskundeetara aurkeztu zen, baina ez zuen eserlekurik lortu. Egun, EHUko irakaslea da.